ਪੰਜਾਬ ਦੇ ਮੁੜ ਖੁਸ਼ਹਾਲੀ ਦੇ ਮਾਡਲ ਦੀ ਚਰਚਾ ਕਰਦਾ ਸੈਮੀਨਾਰ ਤੇ ਸਨਮਾਨ ਸਮਾਗਮ, ਡਾ. ਇੰਦਰਜੀਤ ਸਿੰਘ ਚੇਅਰਮੈਨ ਪੰਜਾਬ ਸਿੰਧ ਬੈਂਕ
ਦੀ ਯਾਦ ਵਿੱਚ ਆਯੋਜਿਤ
ਲੁਧਿਆਣਾ ( ) ਗੁਰੂ ਰਾਮਦਾਸ ਸੈਂਟਰ ਫਾਰ ਇਕਨਾਮਿਕ ਗਰੋਥ (ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ) ਵਲੋਂ ਡਾ. ਇੰਦਰਜੀਤ ਸਿੰਘ
ਖੇਤੀ ਤੇ ਪੇਂਡੂ ਵਿਕਾਸ ਸੈਂਟਰ ਦੇ ਸਹਿਯੋਗ ਨਾਲ, ਡਾ. ਇੰਦਰਜੀਤ ਸਿੰਘ, ਸਾਬਕਾ ਚੇਅਰਮੈਨ, ਪੰਜਾਬ ਐਂਡ ਸਿੰਧ ਬੈਂਕ ਦੇ ਜਨਮ ਦਿਨ ਨੂੰ ਪੰਜਾਬ
ਦੀ ਪੁਨਰ-ਖੁਸ਼ਹਾਲੀ ਦੇ ਮਾਡਲ ਸਬੰਧੀ ਅੱਜ ਸੈਮੀਨਾਰ ਮਾਡਲ ਟਾਊਨ ਐਕਸਟੈਨਸ਼ਨ, ਲੁਧਿਆਣਾ ਵਿਖੇ ਕਰਵਾਇਆ ਗਿਆ। ਪੀ.ਏ.ਯੂ. ਦੇ
ਸਕੂਲ ਆਫ ਬਿਜ਼ਨਸ ਮੈਨੇਜਮੈਂਟ ਦੇ ਨਿਰਦੇਸ਼ਕ ਡਾ. ਰਮਨਦੀਪ ਸਿੰਘ ਹੁਰਾਂ ਪੰਜਾਬ ਦੀ ਮੁੜ ਖੁਸ਼ਹਾਲੀ ਦੇ ਲਈ ਖੇਤੀ ਨੂੰ ਵਪਾਰ ਅਤੇ ਬਿਜ਼ਨਸ
ਮਾਡਲ ਵਿਚ ਬਦਲਣ ਨੂੰ ਅਨਿਵਾਰੀ ਦੱਸਿਆ। ਉਨ੍ਹਾਂ ਸਪਸ਼ਟ ਕੀਤਾ ਕਿ ਪੀ.ਏ.ਯੂ. ਵਿਚ ਆਏ ਕਿਸੇ ਵੀ ਕਿਰਸਾਣ ਇਸਤਰੀ ਮਰਦ ਨੂੰ ਅਸੀਂ
ਨਿਰਾਸ਼ ਨਹੀਂ ਕਰਦੇ ਅਤੇ ਪੂਰੇ ਯਤਨ ਕਰਕੇ, ਖੋਜ ਦੀਆਂ ਟੀਮਾਂ ਦੀ ਸਹਾਇਤਾ ਨਾਲ ਖੇਤੀ ਵਸਤਾਂ ਦੇ ਵਿਭਿੰਨ ਉਤਪਾਦ, ਬ੍ਰੈਂਡ ਵਿਚ ਬਦਲਣ
ਲਈ ਤੱਤਪਰ ਹੁੰਦੇ ਹਾਂ।
ਸਮਾਗਮ ਦੀ ਸ਼ੁਰੂਆਤ ਬੀਬਾ ਹਰਸ਼ੀਨ ਕੌਰ ਅਤੇ ਗੁਰਬਾਣੀ ਕੌਰ ਵਲੋਂ ''ਮਨ ਹਾਲੀ ਕਿਰਸਾਣੀ ਕਰਨੀ .................'' ਸ਼ਬਦ ਗਾਇਣ ਨਾਲ
ਹੋਈ। ਗੁਰੂ ਰਾਮਦਾਸ ਸੈਂਟਰ ਫਾਰ ਇਕਨਾਮਿਕ ਗਰੋਥ ਦੇ ਨਿਰਦੇਸ਼ਕ ਸ੍ਰ. ਖੁਸ਼ਵਿੰਦਰ ਬੀਰ ਸਿੰਘ ਹੁਰਾਂ ਸਭ ਦਾ ਸਵਾਗਤ ਕੀਤਾ ਅਤੇ ਆਰਥਕ
ਹਾਲਾਤਾਂ ਦੀ ਅੱਧੀ ਸਦੀ ਦੇ ਪਿਛੋਕੜ ਦਾ ਮੁਲਾਂਕਣ ਕੀਤਾ। ਮੰਚ ਸੰਚਾਲਕ ਸੈਂਟਰ ਦੇ ਜਨਰਲ ਸਕੱਤਰ ਸ੍ਰ. ਜਸਪਾਲ ਸਿੰਘ ਪਿੰਕੀ ਨੇ ਸੈਮੀਨਾਰ
ਦਾ ਮਨੋਰਥ ਸਾਂਝਾ ਕੀਤਾ।
ਪੀ.ਏ.ਯੂ. ਦੇ ਰਿਟਾ. ਪ੍ਰੋ. ਡਾ. ਸਰਬਜੀਤ ਸਿੰਘ ਰੇਣੁਕਾ ਨੇ ਡਾ. ਇੰਦਰਜੀਤ ਸਿੰਘ ਨੂੰ ਸੰਤ ਬੈਂਕਰ ਦੱਸਿਆ ਅਤੇ ਸੁਕ੍ਰਿਤ ਟਰੱਸਟ ਦੇ ਪੰਜਾਬ ਸਕਿੱਲ
ਬੈਂਲ (PSB) ਵਲੋਂ 30 ਪੰਨੇ ਦੀ ਡਿਜ਼ੀਟਲ ਬੁੱਕ ਦੀ ਪ੍ਰਿੰਟ ਕਾਪੀ ਪੇਸ਼ ਕਰਦਿਆਂ ਡਾ. ਇੰਦਰਜੀਤ ਸਿੰਘ ਹੁਰਾਂ ਦੇ ਜੀਵਨ ਦੀਆਂ ਝਲਕੀਆਂ
ਸਾਂਝੀਆਂ ਕੀਤੀਆਂ।
ਬੈਂਕ ਆਫ ਪੰਜਾਬ ਦੇ ਆਹਲਾ ਸਾਬਕਾ ਅਫਸਰ, ਸਟੱਡੀ ਸਰਕਲ ਟਰੱਸਟ ਦੇ ਸਾਬਕਾ ਚੇਅਰਮੈਨ ਅਤੇ ਡਾ. ਇੰਦਰਜੀਤ ਸਿੰਘ
ਐਗਰੀਕਲਚਰ ਐਂਡ ਰੂਰਲ ਡਿਵੈਲਪਮੈਂਟ ਸੈਂਟਰ ਦੇ ਨਿਰਦੇਸ਼ਕ ਸ੍ਰ. ਪ੍ਰਤਾਪ ਸਿੰਘ ਹੁਰਾਂ ਆਪਣੇ 50 ਸਾਲਾ ਦੇ ਅਨੁਭਵ ਜੋ ਉਨ੍ਹਾਂ ਡਾ. ਇੰਦਰਜੀਤ
ਸਿੰਘ ਹੁਰਾਂ ਨਾਲ ਕਾਰਜ ਕਰਦਿਆਂ ਹਾਸਲ ਕੀਤੇ, ਸੰਖੇਪ ਵਿਚ ਸਾਂਝੇ ਕੀਤੇ। ਚੇਅਰਮੈਨ ਸਾਹਿਬ ਦੇ ਬਚਪਨ ਤੋਂ ਜਵਾਨੀ ਅਤੇ ਲਾਹੌਰ ਤੋਂ ਬੀ-ਕਾਮ
ਅਤੇ ਇੰਗਲੈਂਡ ਤੀਂ ਸੀ.ਏ. ਦੀ ਉੱਚ ਵਿਦਿਆ ਹਾਸਲ ਕਰਨ ਤੋਂ ਲੈ ਕੇ, ਪੰਜਾਬ ਸਿੰਧ ਬੈਂਕ ਦੇ ਕੌਮੀਕਰਣ ਉਪਰੰਤ 84 ਸਾਲ ਦੀ ਉਮਰ ਵਿਚ
ਬੈਂਕ ਆਫ ਪੰਜਾਬ ਸਥਾਪਤ ਕਰਨ ਦੇ ਵੇਰਵੇ ਦੱਸੇ। ਸੁਕ੍ਰਿਤ ਚੋਂ ਪੰਜਾਬ ਸਕਿੱਲ ਬੈਂਕ ਦੀਆਂ ਵਿਦਿਆਰਥਣ ਸੰਚਾਲਕਾਂ ਨੇ ਸਕਿੱਲ ਬੈਂਕ ਦੀਆਂ
ਗਤੀਵਿਧੀਆਂ ਬਾਰੇ ਦੱਸਿਆ।
ਸਨਮਾਨਿਤ ਕਿਰਸਾਣ ਸ੍ਰ. ਕੌਸ਼ਲ ਸਿੰਘ, ਡਾਇਰੈਕਟਰ ''ਜੈਗਰਕੇਨੇ'' ਬ੍ਰਾਂਡ ਪ੍ਰੋਡਕਟਸ, ਸਰਪੰਚ ਸਲੋਪੁਰ ਹੁਰਾਂ ਆਪਣੀ ਸਫਲਤਾ ਗਾਥਾ ਦਰਸਾਕੇ
ਵਿਕਾਸ ਦੇ ਰਾਹ ਸਪੱਸ਼ਟ ਕੀਤੇ। ਸ਼ਹਿਦ ''ਅਮੋਲਕ'' ਬ੍ਰਾਂਡ ਪ੍ਰੋਡਕਟਸ ਦੇ ਨਿਰਦੇਸ਼ਕ ਸ੍ਰ. ਭੁਪਿੰਦਰ ਸਿੰਘ ਹੁਰਾਂ ਆਪਣੀ ਸਫਲਤਾ ਗਾਥਾ ਵਿੱਚ
ਘਰੇਲੂ ਸ਼ਹਿਦ ਉਤਪਾਦਕ ਤੋਂ ਵਿਦੇਸ਼ਾਂ ਨੂੰ ਦਰਜਨ ਤੋਂ ਵੱਧ ਵੰਨ ਸੁਵੰਨ ਸ਼ਹਿਦ ਗੁਣ ਭਰਪੂਰ ਪ੍ਰੋਡਕਟਸ ਵੱਲ ਭੇਜਣ ਤੱਕ ਦੀ ਕਹਾਣੀ ਸੁਣਾਈ।
ਕਿਰਸਾਣ ਜਸਪ੍ਰੀਤ ਸਿੰਘ ਕੰਦੋਲਾ ਫਾਰਮ ਨੇ ਵਿਦੇਸ਼ੀ ਫਲਾਂ ਪ੍ਰੋਡਕਸ਼ਨ ਦੀ ਪ੍ਰਾਪਤੀ ਲਈ ਸਨਮਾਨ ਹਾਸਲ ਕੀਤਾ। ਕਿਰਸਾਣ ਜਸਪ੍ਰੀਤ ਸਿੰਘ
ਪਿੰਡ ਗਾਲਬ ਨੇ ਸਬਜ਼ੀਆਂ ਦੇ ਉਤਪਾਦਨ ਵਿਚ ਸਨਮਾਨ ਪ੍ਰਾਪਤ ਕੀਤਾ। ਚੀਫ਼ ਆਰਗੇਨਾਈਜ਼ਰ ਸ੍ਰ. ਬ੍ਰਿਜਿੰਦਰਪਾਲ ਸਿੰਘ ਨੇ ਨਿਸ਼ਕਾਮਤਾ ਨਾਲ
ਵਿਗਿਆਨੀਆਂ ਵੱਲੋਂ ਕਾਰਜ ਕਰਨ ਦੀ ਭਰਪੂਰ ਸ਼ਲਾਘਾ ਕੀਤਾ। ਓਰੈਸਟ ਉਦਯੋਗ ਦੀ ਨਿਰਦੇਸ਼ਕਾ ਇਕਪ੍ਰੀਤ ਕੌਰ ਨੇ ਚਾਰ ਸਾਲਾਂ ਵਿਚ ਇਕ
ਦੋ ਉਤਪਾਦਾਂ ਤੋਂ ਹੁਣ ਚਾਲੀ ਉਤਪਾਦਾਂ ਤੱਕ ਦੇ ਸਫਰ ਦੀ ਸੰਘਰਸ਼ਮਈ ਗਾਥਾ ਸਾਂਝੀ ਕੀਤੀ ਜੋ ਉਨ੍ਹਾਂ ਦੇ ਪਤੀ ਗੁਰਪੁਰਵਾਸੀ ਯੁਵਕ ਉਦਮੀ ਸ੍ਰ.
ਅੰਗਦ ਸਿੰਘ (ਬਿਗਬੈਨ) ਦੇ ਅਕਾਲ ਚਲਾਣੇ ਉਪਰੰਤ ਆਰੰਭ ਹੋਈ।
ਸੈਂਟਰ ਦੇ ਪ੍ਰਧਾਨ ਸ੍ਰ. ਤੇਜਵਿੰਦਰ ਸਿੰਘ ਬਿਗ-ਬੈਨ ਹੁਰਾਂ ਪੀ.ਏ.ਯੂ. ਦੀ ਮਦਦ ਨਾਲ ਕੁਝ ਸਿਹਤਮੰਦ ਸ਼ਾਟਸ ਤਿਆਰ ਕਰਨ ਦੀ ਪ੍ਰਕ੍ਰਿਆ ਸਾਂਝੀ
ਕੀਤੀ ਜੋ ਨਤੀਜੇ ਤੇ ਪੁੱਜਣਵਾਲੀ ਹੈ। ਮਾਖੀਵੀ ਬ੍ਰੈਂਡ ਆਰੰਭਣ ਵਾਲੀ ਸਾਬਕਾ ਬੈਂਕ ਸੀਨੀਅਰ ਮੈਨੇਜਰ ਸਰਦਾਰਨੀ ਜਸਮੀਤ ਕੌਰ ਹੁਰਾਂ ਵੀ ਹੋਰਨਾਂ
ਸੰਗ ਸ਼ਮੂਲੀਅਤ ਕੀਤੀ।
ਸ੍ਰੀ ਬ੍ਰਿਜ ਭੂਸ਼ਣ ਗੋਇਲ ਸਮਾਜਿਕ-ਆਰਥਿਕ ਚੇਤਨਤਾ ਲੇਖਕ ਤੇ ਬੁੱਧੀਜੀਵੀ, ਸ੍ਰ. ਸੁਰਿੰਦਰ ਸਿੰਘ ਕੇ-ਫਾਰਮ ਸੰਚਾਲਕ, ਡਾ. ਬਲਵਿੰਦਰਪਾਲ
ਸਿੰਘ, ਡਾ. ਬੂਟਾ ਸਿੰਘ ਪ੍ਰਧਾਨ ਪੀ.ਏ.ਯੂ. ਯੂਨਿਟ, ਡਾ. ਜਸਵਿੰਦਰ ਸਿੰਘ ਬਰਾੜ, ਡਾ. ਮਹਿੰਦਰ ਸਿੰਘ ਸੰਪਾਦਕ ਬਹੁਮੰਤਵੀ ਖੇਤੀ ਤ੍ਰੈਮਾਸਿਕ ਨੇ
ਆਪਣੀ ਵਿਚਾਰ ਸਾਂਝੇ ਕੀਤੇ। ਇਸ ਮੌਕੇ ਪ੍ਰਗਤੀਸ਼ੀਲ ਕਿਰਸਾਣਾਂ ਤੇ ਨਿਰਮਾਤਾਵਾਂ ਦਾ ਸਨਮਾਨ ਵੀ ਕੀਤਾ ਗਿਆ।